Onderwerp “Inspirerende Kunste”

 

Almero Oosthuizen - A Visual Journey of South Africa: Our heritage, our pride

 

Die baanbreker Afrikaanse fliek, "Liefling die Movie" het Suid-Afrika aan die gons. Die rolprent is die eerste Afrikaanse musiekblyspel in dié formaat, en bring hulde aan baie ou bekende, en ook nuwer Afrikaanse Musiek. Die rolverdeling is beslis iets om oor huistoe te skryf, met bekende gesigte uit die Afrikaanse musiek- en vermaaklikheidsbedryf. Die hart van die produksie, die musiek, het onder leiding gestaan van Mosaïek se mentor-musikus, Johan Heystek.

“Paul Kruger van Hartiwood Films in Hartebeespoort het my gekontak en gesê hulle moet op een musikant besluit om die musiekverwerkings te doen vir die fliek. Ek het vir ‘n onderhoud gegaan en Paul het my later weer gebel en gesê ek het die job.”

Nadat die skryfspan die draaiboek klaar geskryf het, moes hulle ‘n handjie vol uit ‘n duisend Afrikaanse liedjies van die afgelope 30 jaar kies om vir die rolprent te gebruik, en besluit watter liedjie waar in die storielyn inpas. Johan se rol was om al dié liedjies te verwerk, en ook die ander agtergrondmusiek vir die fliek te komponeer, alles binne 16 maande.
“Daar was ‘n paar uitdagings in die verwerkings, soos om die regte gevoel te kry vir die spesifieke karakter wat dit moes sing. Daar is ook ‘n aantal akteurs wat nie normaalweg sing nie, wat gemaklik moes voel met die musiek. Dan moes ek ook bv. vir Rouel Beukes, wat gewoonlik ernstige musiek sing, die verwerkings so doen dat dit steeds by sy stem ook pas. En vir Marlee van der Merwe (Mosaïek se mede-musiekleier, Frans, se vrou) wat ‘Jan asseblief tog’ gesing het, moes ons iets wat tradisioneel boeremusiek is, ‘n nuwe klank gee vir haar karakter, ‘n bedorwe rykmansdogter.”

Johan sê hy was aanvanklik bang om met dié ikoniese Afrikaanse musiek te werk omdat dit volksbesit is, en reeds ‘n sekere gevoel het wat dit oordra, en ook omdat hy gewoond is aan geestelike musiek.
“Ek het besef die sekulêre mark is pedanties oor hoe ‘n song moet klink. In elke liedjie is daar ‘n essensie, wat behou moet word. Met die meeste liedjies kon ons wel iets van die oorspronklike karakter (dit wat die lied bekendgemaak het) behou, en vir Liefling net vir hom ‘n nuwe baadjie aantrek deur die instrumentasie te verwerk.”

Die spanwerk tydens die produksie het vir Johan uitgestaan. Hy sê Paul het elkeen wat aan die hoof van ‘n afdeling gestaan het noukeurig uitgekies en vertrou met sy taak. Uiteindelik het al die verskillende fasette van Liefling sinvol bymekaargekom.
“Ek dink ‘n skatkis van songs is herontdek en weer aan ‘n nuwe generasie blootgestel. Die nostalgie wat die musiek in mense wakker maak is eintlik oorweldigend, en die impak wat die fliek maak wys dat daar tog ‘n behoefte aan ouer liedjies is, met al die herinneringe.“

Johan sê dit was nog altyd vir hom ‘n lewensdroom om voor ‘n sekere ouderdom met fliekmusiek te werk, en dat hy geseënd is dat dit wel so uitgewerk het.
“Nog ‘n groot droom van my is om ‘n volle rolprent se score te skryf; als oorspronklike musiek.”

As mentor-musikus by Mosaïek is dit vir Johan wonderlik dat mense geïnspireer kan word deur die musiek wat hy maak. “Of ek nou klavierspeel en sing, en of ek nou as Musiekverwerker of produksieleier van ‘n ander kunstenaar se CD- en/of verhoogproduksie is, is dit ongelooflik hoe God dít kan gebruik.”
Die volgende groot projek waarna Johan uitsien is Mosaïek se Meditations on Easter, waar die musiekdeel van die produksie onder sy leiding op Goeie Vrydag 2011 uitgevoer gaan word. “Die gehoor kan nuwe verwerkings en komposisies verwag. Nuwe koorwerke gaan ook ‘n eerste wees vir Mosaïek.”

Op Woensdagaand, 14 September 2010, het Juliet Benner met Mosaïek se Inspirerende Kunstespan kom gesels oor kuns as hulpmiddel tot kontemplatiewe gebed. Juliet is saam met haar man, David, hier as sprekers by Conversations 2010.

Almal is vooraf met ligte versnaperings in die Viaticus Lounge verwelkom. Juliet het vertel van haar jare lange ervaring in die ontdekking van dié gebruik van kuns. Daarna het die kunstespan saam met haar twee kunswerke bespreek, in ‘n praktiese oefening van kontemplatiewe gebed.

Jy mag dalk die gesig van Elvis Blue op die program, Idols, herken as iemand wat gereeld by Mosaïek te sien was. Jan se journey met Mosaïek het reeds in 2001 begin, waarin hy in verskeie kapasiteite binne die Mosaïek-familie gedien het, en later deel van die Musiek en Nuwe Generasie-spanne geword het. Hy was ‘n gereelde gesig tydens ons aanddienste waar hy een van die spanlede was wat verantwoordelik was vir die musiek-belewenis tydens die byeenkomste. Dit was ook in die gemeente waar hy vir Chireze Beukes ontmoet het (‘n medewerker in die hoërskoolbediening) en met wie hy later sou trou. Jan is in 2007 na George toe, om by Eden Gemeente te gaan inspring en hy en Chireze is verlede jaar bederf met ‘n dogtertjie, Lila. Sedertdien is dit vir ons lekker om hom by ons te verwelkom – as hy in die omgewing is kom loer hy in, en ons is altyd opgewonde om te kyk of hy nie sy gawes en talente kan aanwend tydens ons byeenkomste nie. Ons wens vir Jan (a.k.a. Elvis Blue) alle voorspoed toe met die Idols-reis wat vir hom voorlê, en is klaar baie opgewonde oor die feit dat hy een van die 14 finaliste is. Ons kan net saam droom om te dink watter deure hierdie geleentheid vir hom, sy gawes en sy geloof kan bied. Besoek gerus M-Net se webwerf (www.mnet.co.za/idols) sou jy Jan verder wou ondersteun.

'n Spesiale geleentheid eksklusief vir die Inspirerende Kunste-spanne van Mosaïek.

Juliet Benner, een van die sprekers by Mosaïek Conversations 2010, bied 'n spesiale interaktiewe sessie met die kunstespanne van die gemeente (Tegnies, Visueel, Produksie, Musiek, Sang, Blyspel, Dans ens) aan. Sy beskryf die sessie as volg:

'n Baie geseënde Moedersdag word aan al ons ma's toegewens! In ons byeenkomste vandag wil ons ook spesiaal hulle vier!

Ons jaarlikse Kersmark in die vorm van 'n Arts en Crafts Expo skop af op 21 Oktober en duur tot 1 November 2008.

Die fondse wat deur hierdie projek ingesamel word, word vir die finansiering van verskeie welwillendheidsaksies van die gemeente in ons gemeenskap en verwante projekte aangewend.

Kontak Karin Arter vir meer inligting oor die Expo by karins@embarkfound.co.za