Vertel ons...
Ons wil graag hoor wat in jou gebeur, en hoe die Here met jou werk. Indien jy 'n storie het wat jy met ons wil deel, stuur dit gerus vir ons via die skakel hier.
Engauge
Engauge is 'n Comm.Unity-inisiatief waar jy saam met jou vriende of kleingroep diep kan connect rondom die vier week-lange preekreeks (Mites wat ons miserabel maak...) wat 5 Junie afskop. Elke week sal hulpbronne beskikbaar wees vir gebruik in groepsbesprekings. Oriëntering vir die journey vind plaas Sondagaand 5 Junie, direk na die aanddiens. Jy kan gerus hier registreer, of 'n e-pos stuur aan comm.unity@mosaiek.com.
My storie
Ek vind dat ek die Here beleef, deur my interaksie met ander mense. Mense vanuit omstandighede wat heeltemaal anders as my eie is. Omdat ek baie van my tyd op Twitter spandeer het ek kontak met mense gehad, wat ek nie in my alledaagse lewe normaalweg sou ontmoet nie.
Ek het met Lucky du Plessis begin praat op daardie sosiaale platform. Ons het mekaar ontmoet vir koffie en hy het my van sy lewe vertel. Vir die eerste keer het armoede vir my 'n gesig. Hy het my vertel van sy gesin wat hom aangeneem het, sy moeilike kinderjare.
Ons vriendskap het vir my gewys dat ek 'n verskil wil maak in minderbevoorregte kinders se lewens. Ek wil nie meer slegs net vir myself lewe nie. Dis wat gebeur het in 'n neutedop.
Whow! Die hele Lydenstyd (sonder soetigheid en sjokolade) was 'n wonderlike ervaring. Die grote God het met my gepraat en laat besef hoe kosbaar elkeen en alles van sy Skepping is. Hoe wonderlik en onbegryplik is die weë van God dat Hy selfs sy Seun aan die kruis laat sterf het vir elkeen van ons EN ook vir my! Baie, baie dankie Mosaïek. Jul het weereens daarin geslaag om 'n regte Gods-fees vir ons aan te bied. Ek was regtig die hele tyd, terwyl ek by Mosaïek was, bewus van Jesus se teenwoordigheid, veral in die Kruisstasies!
Dankie Jesus en dankie Mosaïek!
Jackie Birk
Ons was lidmate van Mosaïek, maar woon tans in die Kaap en ek was gelukkig om tydens die Lydenstyd in Gauteng te wees en die Paas-geleentheid saam met die gemeente te kon beleef.
Ek het in besonder moeite gedoen om die Kruisstasies te beleef. Ek het na my eerste besoek besluit om elke stasie eers intensief te lees, te bepeins, te mediteer en daarna die stasie te besoek en te beleef. Ek het elke stasie so besoek en beleef. Die reis het my elke keer net dieper en dieper na my eie lewe laat kyk. By stasie 2, byvoorbeeld, het ek besef dat Petrus se 3-malige verraad niks teen my eie optrede is nie.
Baie dankie vir die wonderlike geleentheid wat aan ons gebied is om ons lewens in die lig van die kruis- en opstandigsboodskap te kon rig.
Eben Kotze
Baie dankie, weereens, vir 'n wonderlike Paasfees. Die 40 dae voorbereiding tot en met PalmSondag, die reis gedurende Heilge Week, die "emosie" rondom Goeie Vrydag en OpstandingSondag het vir ons geestelike groei onsettend baie beteken.
Die ontdekking van stilword, jouself ontdek, ontdek dat God in ons woon, ons by die naam roep en verklaar dat ons sy geliefde kinders is te groot om te beskryf. Gedurende die 40 dae het ons die werke van Henri Nouwen ontdek en in die tyd sy 'Spiritual Formation: Following the Movements of the Spirit' ook deurgewerk. Jesus is besig om ons lewens daagliks te verander en alhoewel ons al jare beleidende Christene is, word ons geestelike "ontmoetings" daagliks meer en meer gerig op 'n werklike, lewende en sinvolle verhouding met Jesus.
Dankie vir alles en almal. Julle is 'n wonderlike span.
Groetnis in Christus
Gerhard en Gezina Olivier
Ons as gesin trek deur 'n woestyn-tyd wat net nie lyk of dit einde kry nie. Ek is van depressie, teleurstelling in God, tot woede vir God, tot 'n intellektuele vrede maak en weer die pad saam met God stap, maar my hart was nie daarin soos van te vore nie. Die paasnaweek was instrumenteel om my hart weer met passie vir God aan te steek.
Dankie vir julle gehoorsaamheid.
Daniel Griessel
Ek was op 'n stadium in my lewe 'n lost soul en ek het op 'n punt gekom wat die Here baie in my lewe gedoen het. Ek het die Here begin ervaar soos nog nooit van tevore nie, ek het aan depressie gelei en is al drie jaar fine. Ek het stil geword en God se teenwoordigheid in my lewe ervaar dat ek sy stem kan hoor. Ek is dankbaar vir wat Mosaïek vir my doen op die journey met God.
Lydenstyd 2011
Skrif van Lydenstyd
Toe het Jesus van Galiléa na die Jordaan, na Johannes gekom om deur hom gedoop te word. Maar Johannes het Hom ernstig teëgegaan en gesê: Ek het nodig om deur U gedoop te word, en kom U na my toe? Maar Jesus het geantwoord en vir hom gesê: Laat dit nou toe, want só pas dit ons om alle geregtigheid te vervul. Daarna het hy Hom toegelaat. En nadat Jesus gedoop was, het Hy dadelik uit die water opgeklim, en meteens gaan die hemele vir Hom oop, en Hy sien die Gees van God soos 'n duif neerdaal en op Hom kom. En daar kom 'n stem uit die hemele wat sê: Dit is my geliefde Seun in wie Ek 'n welbehae het.
Toe is Jesus deur die Gees weggelei die woestyn in om versoek te word deur die duiwel. En nadat Hy veertig dae en veertig nagte gevas het, het Hy naderhand honger geword. En die versoeker het na Hom gekom en gesê: As U die Seun van God is, sê dat hierdie klippe brode word. Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan. Toe neem die duiwel Hom saam na die heilige stad en laat Hom op die dak van die tempel staan en sê vir Hom: As U die Seun van God is, werp Uself af; want daar is geskrywe: Hy sal sy engele bevel gee aangaande U, en hulle sal U op die hande dra, sodat U nie miskien u voet teen 'n klip stamp nie. Jesus sê vir hom: Daar is óók geskrywe: Jy mag die Here jou God nie versoek nie. Weer neem die duiwel Hom saam na 'n baie hoë berg en wys Hom al die koninkryke van die wêreld en hulle heerlikheid, en sê vir Hom: Al hierdie dinge sal ek aan U gee as U neerval en my aanbid. Toe sê Jesus vir hom: Gaan weg, Satan! want daar is geskrywe: Die Here jou God moet jy aanbid en Hom alleen dien. Daarna het die duiwel Hom laat staan, en daar het engele gekom en Hom gedien.
~Matteus 3:13 tot 4:11
In hierdie skrifgedeelte kry ons te doen met baie van die temas waarmee ons in Lydenstyd wil reis...
- Die plek van roeping om God te volg en te doen wat Hy vra
- Om te kan hoor wat Hy vir ons sê, deur sy Woord te kan ontvang – en te glo ons is sy geliefde
- 'n Doelbewuste beweging na die woestyn waar afsondering en opoffering plaasvind
- 'n Ruimte waar ons onsself kan ontdek – ons valse en ware self ... en ook kan omgaan met die wilde diere om ons en in ons, en met versoeking kan deel
- Waar ons te doen kan kry met die bonatuurlike (die engele) ... waar die sienlike en onsienlike naby aan mekaar kom.
- Waar ons kan ontwaaken ons plek in God se skepping kan waarneem en erken.
Here, rig my voete op die Lydenstyd-weg
waar U wil hê ek moet gaan.
